Məktəbdaxili təlimlər yenidən keçirilir
31 avqust tarixində yeni tədris ilinin başlanması ilə əlaqədar olaraq pedaqoji kollektivin hazırlıq səviyyəsini artırmaq məqsədi ilə "Həmkara dəstək" layihəsi çərçivəsində məktəbdaxili təlimlərə yenidən start verildi. Bildiyimiz kimi iyun ayı ərzində həyata keçirilən təlimlər müəllimlərimizin peşəkarlıq səviyyəsini artırmağa böyük dəstək oldu. Əldə olunan biliklərin təkrarı və yeni biliklərin qazanılması üçün məktəb rəhbərliyi 31 avqust tarixindən etibarən Kurikulum, İKT və Psixologiyadan 10 günlük təlimlər keçirməyə qərar verdi. Təlimlərdə kollektivimizin hər bir üzvü böyük maraq və istəklə iştirak edir. Sonda qazanılmış biliklərin yoxlanması üçün monitorinq keçiriləcək.
