Dəyirmi masa keçirilib
Kitabxana müdiri Aynur Xəlilova, kitabxanaçı İradə Ağayeva və Azərbaycan dili müəllimi Səidə Məsimovanın təşkilatçılığı ilə Azərbaycan Respublikasının əməkdar incəsənət xadimi, nasir, şair Baba Vəziroğlunun doğum günü ilə əlaqədar dəyirmi masa keçirilib. Dəyirmi masada 6E sinfinin şagirdləri iştirak edib. Şagirdlər şairin həyat və yaradıcılığı haqqında məlumat verib, "Cənab Ali Baş Komandan", "Səndən nigaranam", "General Polad", "Yenə yaz gələcək", "Ayrılığa dözərəm", "Məndən bir də olmayacaq" şeirlərini söyləyiblər. Tədbirin sonunda sözləri B.Vəziroğluna məxsus "Sən elə bir zirvəsən" mahnısı səsləndirilib.
