1 iyun – Uşaqların Beynəlxalq Müdafiəsi Günü
1 iyun – Uşaqların Beynəlxalq Müdafiəsi Günü münasibətilə məktəbimizdə 1 - ci sinif şagirdlərinin iştirakı ilə maraqlı və yaddaqalan tədbir keçirildi . Tədbirin məqsədi uşaqların hüquqları , onların qorunması və sevgi ilə əhatə olunmasının vacibliyini vurğulamaq idi .
Tədbir Azərbaycan Respublikasının Dövlət Himni ilə başladı . Ardınca çıxış edən məktəbin direktoru Cavid Əliyev bu günün əhəmiyyətindən bəhs etdi , uşaqların cəmiyyətin gələcəyi olduğunu və onların xoşbəxt , təhlükəsiz şəraitdə böyümələrinin hər birimizin borcu olduğunu qeyd etdi .
