“ Suveren dövlətin ekoloji dəyərləri "
Məktəbimizdə “ Suveren dövlətin ekoloji dəyərləri " adlı layihə çərçivəsində şagirdlərin iştirakı ilə genişmiqyaslı iməcilik aksiyası təşkil olunmuşdur . Layihənin əsas məqsədi şagirdlərə ətraf mühitin qorunmasının vacibliyini aşılamaq , onlarda təbiətə sevgi və qayğı hissi formalaşdırmaqdır .
İməcilik zamanı şagirdlər məktəbin həyətini tullantılardan təmizləmiş , ağaclara qulluq göstərmiş , gül və digər yaşıllıq zolaqları salmışlar . Həmçinin , təkrar emal üçün uyğun tullantılar çeşidlənərək xüsusi qutulara toplanmışdır . Tədbirdə müəllimlər də fəal iştirak etmiş , şagirdlərə düzgün təmizlik və ətraf mühitə məsuliyyətli yanaşma qaydaları haqqında məlumat vermişlər .
