" Dövrlər və naxışlar " mövzusunda nümunəvi dərs keçirildi
Məktəbimizin informatika müəllimi Həkimova Şəhla " 6 e " sinfində " Dövrlər və naxışlar " mövzusunda nümunəvi dərs təqdim etdi . Dərs zamanı şagirdlər nəzəri biliklərini tətbiq etməklə yanaşı , məntiqi düşünmə , əməkdaşlıq və problem həll etmə kimi XXI əsr bacarıqlarını nümayiş etdirdilər .
AlpLogo proqramında qrup işi formatında yerinə yetirilən tapşırıqlar şagirdlərdə alqoritmik düşünmə , kodlaşdırma və komandada işləmə bacarıqlarının formalaşmasına müsbət təsir göstərdi .
Məzmun baxımından zəngin , interaktiv və yaradıcı yanaşmalarla qurulan dərs şagirdlərdə öyrənməyə marağı artırdı , dərsin həm öyrədici , həm də maraqlı keçməsini təmin etdi .
Dərsin təşkili və keçirilməsi məktəb rəhbərliyi tərəfindən yüksək qiymətləndirildi .
