" 1 Mart – Ümumdünya Mülki Müdafiə Günü "
Beynəlxalq Mülki Müdafiə Təşkilatının Baş məclisinin qərarı ilə 1972 - ci ildən etibarən hər il martın 1 - i bu təşkilata üzv ölkələrdə Ümumdünya Mülki Müdafiə Günü kütləvi humanitar tədbir kimi qeyd olunur . 01.03.2025 - ci il tarixində " 1 Mart – Ümumdünya Mülki Müdafiə Günü " ilə əlaqədar maarifləndirici tədbir keçirildi . Mülki Müdafiə Günü tədbirinin keçirilməsində əsas məqsəd şagirdlərin fövqəladə hallara hazırlıq səviyyəsini artırmaq , mülki müdafiə tədbirlərinin vacibliyini vurğulamaq və insanların fövqəladə hallarda ( təbiət və texnogen fəlakətlər , yanğınlar , radiasiya və kimyəvi təhlükələr və s .) necə davranmalı olduqlarını öyrətməkdir .
Məktəbin hərbi rəhbəri Rəşad Bədəlov mülki müdafiənin məqsədi və əhəmiyyəti barədə şagirdlərə geniş məlumat verdi . Xüsusilə şagirdlərin təhlükəli vəziyyətlərdə daha təmkinli və nizam -intizamli olmasınin həyatı əhəmiyyət daşımalarını diqqətə çatdırdı .
