" Bir Bayrağın Doğuşu " adlı tədbir keçirilib
3 D sinif rəhbəri Leyla Maqsudovanın təşkilatçılığı ilə 9 noyabr - Dövlət Bayrağı Gününə həsr olunmuş " Bir Bayrağın Doğuşu " adlı tədbir keçirilib . Tədbirdə şagirdlər cümhuriyyət dövrümüzdən çağdaş dövrümüzə qədər bir sıra tarixi məqamlara toxunaraq bədii kompozisiya şəklində səhnəciklər təqdim etdilər . Tədbirdə məktəbin direktoru Cavid Əliyev , pedaqoji heyət və valideynlər iştirak etmişdir . Tədbir zamanı şagirdlər Azərbaycan bayrağının tarixi və onun mənası haqqında məlumat verdilər . Hər bir rəngin və simvolun əhəmiyyətini izah edərək milli kimliyin təmsilçisi olan bayrağımıza sevgi və hörmətlərini nümayiş etdirdilər . Tədbir boyu səhnəciklərdə həm bayrağın yaranması , həm də onun müxtəlif dövrlərdəki dəyişiklikləri vurğulandı . Şagirdlərin çıxışları və səhnələşdirilmiş kompozisiyalar qonaqlar tərəfindən böyük maraqla qarşılandı . Məktəbin direktoru Cavid Ədalətoğlu , təlim - tərbiyə işləri üzrə direktor müavini Bədəl Hüseynli və təşkilatçı müavin Ülviyyə Mənəfova tədbirin milli ruhu möhkəmləndirdiyini və gənc nəslin vətənpərvərlik hisslərini artırdığını vurğuladılar .
