Buraxılış sinif müəllimləri ilə görüş keçirildi
26 sentyabr 2024 - cü il tarixdə 9 - cu sinif rəhbərləri və 9 - cu sinifdə dərs keçən Azərbaycan dili , riyaziyyat , ingilis dili müəllimləri ilə akt zalında görüş keçirildi . Görüşün məqsədi 9 - cu siniflərdə oxuyan şagirdlərin nizam - intizam qaydalarına əməl etməyinə nəzarətin artırılması , buraxılış imtahanına hazırlıqla bağlı təkliflərin dinlənilməsi idi .
Görüşü giriş sözü ilə məktəbin direktoru Cavid Əliyev açdı . Cavid müəllim bildirdi ki , məktəbdə elə mühit yaradılmalıdır ki , şagirdlər məktəbi sevsinlər , məktəb onlar üçün doğma bir məkana çevrilsin . Bu zaman təhsil də , nizam - intizam da yüksələcək .
İclasda müəllimlərə də söz verildi . Onlar da müxtəlif təkliflər irəli sürərək şagirdlərin təlim nəticələrini yüksəltmək üçün əlavə dərslərin keçirilməsinin vacib olduğunu vurğuladılar .