Məktəb şagirdlərinin Azərbaycan Hərb Tarixi Muzeyinə ekskursiyası təşkil olunub
03.04.2023 - cü il tarixində məktəbin hərbi rəhbəri Rəşad Bədəlovun təşkilatçılığı ilə məktəb şagirdlərinin Azərbaycan Hərb Tarixi Muzeyinə ekskursiyası təşkil olunub .
Ekskursiyanın təşkil olunmasında məqsəd məktəblilərdə hərbi vətənpərvərlik hissini gücləndirmək və tarixi bilgilərini artırmaqdır .
Bələdçi şagirdlərə muzeyin ilk zalı olan qədim , erkən , orta əsrlər dövrü , Manna - Midiya , Atropatena , Albaniya , Səfəvilər dövlətləri , Azərbaycanda xanlıqların yaranması və onların qoşun növləri haqqında ətraflı məlumat verdi .
Daha sonra şagirdlər hərbi texnikalarla tanış oldular . Hərbi texnikalar haqqında verilən məlumatlar məktəblilərdə xoş təəssürat yaratdı .
Muzey əməkdaşı tanklar , təyyarə və helikopterlər , silah və sursatları , gəmilər , artilleriya və zenit qurğuları haqqında məlumat verərək şagirdlərin suallarını cavablandırdı .
