Narkomaniyaya qarşı siniflərdə söhbətlərin aparılması
Narkomaniya və alkoqolizm meyllərinin , hüquq pozuntularının və cinayətkarlıq hallarının qarşısının alınması istiqamətində məktəbin fəaliyyət planına əsasən şagirdlərlə maarifləndirici söhbət aparıldı . Məktəbin həkimi Sevinc Ənvərli və Uşaq Birliyi Rəhbəri Günay Əsgərovanın iştirak etdiyi söhbətlərdə narkomaniyanın törətdiyi fəsadlara toxunuldu , onun insan həyatı üçün necə təhlükə mənbəyi olduğu iştirakçıların diqqətinə çatdırıldı . Həkim çıxışında narkotikin insan orqanizminə , sağlamlığına , mənəviyyatına vurduğu zərərlərdən , narkomaniyaya qarşı mübarizə sahəsində görülən işlərdən , həyata keçirilən profilaktik tədbirlərdən danışdı , bu dəhşətli bəlanın yayılmasının qarşısının alınması üçün hamılıqla mübarizə aparılmasının vacibliyini önə çəkdi .