"Mən və mənim əhatəm" mövzusunda məşğələ
Məktəbimizdə 17 və 18 oktyabr tarixlərində "Reproduktiv sağlamlıq" haqqında məşğələlər keçirildi. Məşğələlər 8-ci sinifləri əhatə edərək "Mən və mənim əhatəm" mövzusunda aparıldı. Məşğələlərdə şagirdlərlə yanaşı onların valideynləri də iştirak etdi. Mövzu ətrafında məktəbin təşkilatçısı Zemfira Əliyeva, məktəb psixoloqu Dilrubə Yusifzadə, tibb işçisi və sinif rəhbərləri söhbət apardı. Məşğələ interaktiv formada keçirildi, şagirdlər və valideynlər mövzuya uyğun çalışmalar yerinə yetirdilər. Sonda bütün iştirakçılarla müzakirə aparıldı.
