215 №-Lİ TAM ORTA MƏKTƏB

"Yaşıl dünya naminə həmrəy olaq!" layihəsinə əsasən aprel ayı ərzində şagirdlər "Təbiət gözəlliklər məskənidir" şüarı altında  təbiət və təmiz ətraf mühitini əks etdirən rəsm və plakatlar hazırlayıb sərgilədilər. 

16 aprel tarixində IX siniflərdə peşə seçimi ilə əlaqəli söhbət aparıldı. Məktəbə gələn 12 saylı Emal Sənaye üzrə Bakı Dövlət Peşə Təhsil Mərkəzindən gələn müəllim Dünya Hüseynova və məktəbin kuratoru texnologiya müəllimi Aygün Hüseynova şagirdlərə peşələr, peşə məktəblərində olan ixtisaslar haqqında məlumatlar verdilər, şagirdləri maraqlandıran sualları cavablandırdılar. Eyni zamanda məktəbin psixoloqu Dilrubə Yusifzadə peşəyönümü ilə əlaqədar şagirdlər arasında sorğu-anket keçirdi. Psixoloq şagirdlərin gələcəkdə hansı peşələrə yiyələnmək istədiklərini öyrənib, onları düzgün istiqamətləndirmək üçün müzakirələr apardı. 

15 naprel tarixində məktəbimizdə 10-cu sinif şagirdləri üçün “Zərərli vərdişlərə birlikdə yox deyək!” mövzusunda seminarı keçirildi. Seminarı 12 saylı şəhər poliklinikasının həkimi Abbasova Bəsti apardı. O, mövzu ətrafında şagirdlərə dolğun məlumat verdi: siqaret, spirtli içkilərin, narkotiklərin ziyanı, fəsadları haqqında danışdı. Sonda Bəsti xanım və məktəbin tibb bacısı Samirə xanım şagirdləri maraqlandıran sualları cavablandırdılar.

Fəaliyyət planına əsasən II yarımildə IX siniflərdə  "Reproduktiv sağlamlıq" haqqında məşğələlər: fevral ayında "Reproduktiv sağlamlıq nədir" mövzusunda, mart ayında "Yeniyetmələrin sirri" mövzusunda məşğələlər keçirilmişdir. Aprel ayının  8-də isə "Qohumlararası nigahların fəsadları" mövzusunda məşğələlər keçirildi. Müəllimlər şagirdlərə videoçarx nümayiş etdi,  şagirdlərlə müzakirə aparıldı və onları maraqlandıran sualları cavablandırdılar.

Fəaliyyət planına əsasən II yarımildə 8ci siniflərdə  "Reproduktiv sağlamlıq" haqqında məşğələlər: fevral ayında "Zərərli vərdişlər: siqaret çəkməyin insan orqanizminə ziyanı" mövzusunda, mart ayında "Alkoqolizm və narkomaniyaya yox deyək!" mövzusunda məşğələlər keçirilmişdir. Aprel ayının 6-sı və 8-də isə "Erkən nikahın fəsadları" mövzusunda məşğələlər keçirildi. 8c sinfi mövzuya aid hazırladıqları səhnəciyi göstərdilər, müəllimlər şagirdlərə videoçarx nümayiş etdilər. Sonda şagirdlərlə müzakirə aparıldı və onları maraqlandıran suallara psixoloq və sinif rəhbərləri cavab verdilər.