İlk dərslər "Qarabağ Azərbaycandır!" mövzusuna həsr olundu
Sentyabrın 29-u Bakı Şəhəri üzrə Təhsil İdarəsinin tabeliyindəki ümumi təhsil müəssisələrinin V-XI sinifləri üzrə ənənəvi tədrisə start verilib. İlk dərslər təhsil naziri Emin Əmrullayevin imzaladığı “2021-2022-ci tədris ilində ümumi təhsilin fəaliyyət istiqamətləri barədə” əmrinə əsasən “Qarabağ Azərbaycandır!” mövzusuna həsr olunub. Məqsəd, qüdrətli Azərbaycan xalqının, müzəffər Ali Baş Komandan İlham Əliyevin və rəşadətli ordumuzun “Dəmir yumruq” kimi birləşərək 44 gün ərzində əldə etdiyi tarixi qələbəni təbliğ etmək, şagirdlərdə vətənpərvərlik tərbiyəsini formalaşdırmaqdır. Dərslərdə mövzu ətrafında müzakirələr aparıldı, Ali Baş Komandanın ideyalarını əks etdirən videoçarxlar nümayiş olundu.
