Yaşıl dünya naminə həmrəylik ili
Azərbaycan ətraf mühitin mühafizəsinə və iqlim dəyişmələrinin fəsadlarının aradan qaldırılması məsələlərinə xüsusi önəm verir və bu istiqamətdə mühüm işlər görür. Dünyada ən irimiqyaslı və mötəbər tədbirlərdən biri hesab edilən BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasına ölkəmizin ev sahibi seçilməsi bunun bariz nümunəsidir. Bu münasibətlə Prezident İlham Əliyev Azərbaycan Respublikasında 2024-cü ilin “Yaşıl dünya naminə həmrəylik ili” elan edilməsi haqqında Sərəncam imzalayıb. Sərəncama uyğun olaraq məktəbin 8 "B" sinif şagirdləri biologiya dərsində topladıqları məlumatlardan istifadə edərək divar qəzetləri hazırlayıblar. Şagirdlər həmçinin dərs zamanı təbiəti qorumaq üçün evdə və məktəbdə nələr etdiklərini bildiriblər.
