Beynəlxalq Ana Dili Günü
1999- cu ilin noyabrında Banqladeş səfirinin təşəbbüsü ilə UNESCO tərəfindən fevralın 21-i Beynəlxalq Ana Dili Günü elan edilib.
Hər bir insan öz ana dilini yaxşı bilməli və onu qorumalıdır. Ana dili insanın mənəvi aləminin zənginləşməsində, dünyagörüşünün genişlənməsində, mükəmməl təhsil almasında, öz soydaşları ilə ünsiyyət qurmasında mühüm rol oynayır. Ana dili millətin özünə məxsusluğunu qorumaqla yanaşı, tərcümə vasitəsilə başqa xalqların mədəni irsi ilə tanış olmağa, onlarla ünsiyyət qurmağa imkan yaradır.
2002-ci il sentyabrın 30-da “ Azərbaycan Respublikasında dövlət dili haqqında” Qanunun qəbul edilməsi Azərbaycan dilinin dövlət dili kimi işlədilməsi, onun tətbiqi, qorunması və inkişaf etdirilməsi, dünya azərbaycanlılarının Azərbaycan dili ilə bağlı milli mədəni özünümüdafiə ehtiyaclarının ödənilməsi istiqamətində daha bir addım olmuşdur. Bu sənəd ümummilli lider Heydər Əliyevin xalqımıza və onun dilinə tükənməz məhəbbətinin, qayğısının parlaq nümunələrindən biridir.
21 fevral tarixində Uşaqlarla Sinifdənxaric və məktəbdənkənar tərbiyə işləri üzrə təşkilatçı Sədaqət Əliyeva və məktəbin dil- ədəbiyyat müəllimi Şıxiyeva Könül “ Beynəlxalq Ana Dili Günü” ilə əlaqədar dəyirmi masa təşkil etdi. Tədbirdə şagirdlər ana dilinin gözəlliyini, müqəddəsliyini tərənnüm edən şerlər, aforizimlər səsləndirib, məruzələr etdilər
Ana dilimizi qorumaq və inkişaf etdirmək hər bir azərbaycanlının müqəddəs borcudur.
