207 №-li tam orta məktəb

Uşaqlar bizim gələcəyimizdir və ölkəmizin gələcəyi onların əlindədir, onları müdafiə etmək hər bir kəsin borcudur. Dünyanın əksər ölkələrində olduğu kimi, bu gün Azərbaycanda da hər il qeyd edilir. Tədbirdə iştirak edən məktəbin direktoru Seyidova Sədaqət xanım şagirdləri təbrik etdi. Daha sonra bayram tədbiri şagirdlərin milli və müasir musiqiləri ilə hazırladıqları maraqlı proqramla davam etdirildi. Müxtəlif millətlərindən Uşaqlar çıxışlarında qeyd etdilər ki, "1 İyun Uşaqların Beynəlxalq Müdafiəsi günü" müharibələrə yox deyərək, uşaqların sağlamlıqlarının, hüquqlarının müdafiəsi günüdür. Sonda kiçik məktəblilər 2 "Ç" sinfinin şagirdi Qurbanov Altayın ifası ilə simvolik Yer kürəsinin ətrafında dövr etdilər. Proqramın təşkilatçısı ibtidai sinif üzrə TTDM Vəliyeva Gülnarə müəllimə idi. 

Bakı Şəhəri üzrə Təhsil İdarəsinin tabeliyindəki ümumi təhsil müəssisələrində 1 İyun-Uşaqların Beynəlxalq Müdafiəsi Günü ilə əlaqədar tədbirlər keçirilib.

Paytaxt məktəblərində təşkil olunan tədbirlərdə Uşaqların Beynəlxalq Müdafiəsi Günü haqqında şagirdlərə məlumat verilib. Bildirilib ki, 1950-ci il iyunun 1-də BMT Baş Assambleyası tərəfindən Uşaqların Beynəlxalq Müdafiəsi Gününün qeyd olunması qərara alınıb. Vurğulanıb ki, Azərbaycanda hər zaman uşaqların müdafiə olunması və onlara qayğı göstərilməsi istiqamətində çoxsaylı işlər görülür.

Tədbirlərdə çıxış edənlər Ulu Öndər Heydər Əliyevin uşaqlara olan diqqət və qayğısından danışıblar. Qeyd olunub ki, ölkə Prezidenti İlham Əliyevin uşaqların savadlı, sağlam və firavan böyüməsi, rifahının yüksəldilməsinə göstərdiyi qayğı və diqqət deməyə əsas verir ki, bu məsələ dövlət siyasətinin başlıca istiqamətlərindən biridir.

Eyni zamanda tədbirlərdə şagirdlər Azərbaycan və dünya xalqlarına məxsus mahnılar oxuyub, rəqslər ifa edib, şeirlər söyləyib və ədəbi-bədii kompozisiyalar nümayiş etdiriblər.

Bundan əlavə, tədbirlərdə Uşaqların Beynəlxalq Müdafiəsi Gününə həsr olunan fotostendlərə, şagirdlərin əl işlərindən ibarət sərgilərə baxış keçirilib.

25.05.2023-cü il tarixdə "Biz gimnast olmaq" şüarı altında kiçik məktəblilərimiz gimnastika müsabiqəsində iştirak etdi. 

25.05.2023-cü il tarixində Bakı Şəhər İcra Hakimiyyəti və Bakı Şəhəri üzrə Təhsil İdarəsinin birgə təşkilatçılığı ilə Ulu Öndər Heydər Əliyevin anadan olmasının 100 illiyinə həsr olunmuş "Ulu Öndəri düşünərkən" adlı rəsm müsabiqəsinin final mərhələsi keçirildi. Müsabiqədə məktəbimizi 8"ç"sinif şagirdi Babayeva Mədinə və 7"ç" sinfinin şagirdi Hacızadə Xədicə təmsil etdi. Sonda şagirdimiz sertifikatla təltif olundu.

24.05.2023-cü il tarixdə məktəbin 7"C" sinfində coğrafiya müəllimi Lətafət Mürsalıyevanın rəhbərliyi ilə "Ekoloji məhkəmə" adlı praktik dərs keçirildi. Şagirdlər atmosfer, hidrosfer, litosfer və biosferi rollu oyunlarda canlandırdı, dərsdə bəşəriyyətə qarşı qaldırdığı iddiaya baxıldı.

Dərsdən əvvəl məhkəmə iştirakçılarını təyin edilərək rolları bölüşdürdürüldü. Sonra dərslikdəki materiallar və digər mənbələrdən istifadə etməklə hər bir iştirakçı öz xeyrinə dəlil və sübutlar topladı. Bu barədə iştirakçılara dərsdən bir neçə gün əvvəl tapşırıqlar verilmişdi. “Məhkəmə prosesi”nin məktəbin həyətində keçirilməsi təklifi daha məqbul hesab edildi və dərs şagirdlər tərəfndən olduqca maraqlı alındı. Müəllimin şagirdlərdə stimulverici dəstəyi, fənnüstü inteqrasiyasından istifadəsi müşahidə olundu.

Məqsəd dərsin sonunda qərarın çıxarılması idi. İddiaçıların şikayətinə əsasən bəşəriyyət təcili olaraq vurulan ziyanın qarşsını almaq üçün tədbirlər planı hazırlamalıdır.