Valideynlərlə görüş
12.09.2022 tarixində S. Yolçuyev adına 207 saylı tam orta məktəbin akt zalında valideyn və sinif rəhbərlərinin iştirakı ilə birgə görüş keçirildi. Məktəbin direktoru Sədaqət xanım Seyidova çıxış edərək qarşıdan gələn tədris ilində gözləntilərdən və məktəb-valideyn münasibətlərindən geniş söz açdı. Keçən tədris ilində nailiyyətləri ilə fərqlənən şagirdlərin valideynləri rəğbətləndirildi. Məktəbin psixoloqu Məlahət Məmmədova, direktor müavinləri Sədaqət Əliyeva, Gülnarə Vəliyeva və Elnarə Məmmədova da çıxış edərək tədris ilində şagirdlərin təlim-tərbiyəsində, məktəbdə sağlam psixoloji mühitin formalaşmasında valideynlərlərin də iştirakını vurğuladı. Məktəb fəaliyyətinə valideynlərin maraqların artması mövzusunda baş tutan görüşdə valideynlər də çıxış edərək təklif və tövsiyələrini bildirdilər.
