20 nömrəli məktəb-lisey

Karateçi-şagirdlərimiz Ukraynadan medallarla qayıtdılar31 may - 4 iyun aralığında Ukraynanın Odessa şəhərində Beynəlxalq karate turniri keçirilmişdir. "Odessa Open" adlanan yarışa qatılan Azərbaycan komandasının tərkibində A.Hüseynzadə adına 20 nömrəli məktəb-liseyin 2 şagirdi də yer almışdır. 7 "O" sinfindən Heydərli İlqar Vaqif oğlu 13-14 yaşlı idmançılar arasında -45 kq, 2 "Ə" sinfindən Heydərli Vüqar Vaqif oğlu isə 8-9 yaşlı karateçilər arasında -30 kq çəki dərəcəsində mübarizə aparmışlar. Hər iki şagirdimiz vətənə medalla qayıtmışdır. Bütün rəqiblərinə qalib gələn İlqar fəxri kürsünün 1-ci pilləsinə qalxaraq qızıl, yalnız final döyüşündə məğlub olan Vüqar isə gümüş medal qazanmışdır. Məktəbimizin kollektivi adından idmançı-şagirdlərimizi təbrik edir, onlara gələcək yarışlarda uğurlar arzulayırıq!

"Şahin" hərbi-idman oyunlarında Bakı üzrə I yerAprelin 27-də A.Hüseynzadə adına 20 nömrəli tam orta məktəb-liseyin komandası "Şahin" hərbi-idman oyunlarında Bakı üzrə qalib gələrək, birinci yer tutmuşdur. Kollektiv adından məktəblilərimizi təbrik edirik..

Idman sahəsində nailiyyətlər davam edirA.Hüseynzadə adına 20 nömrəli tam orta məktəb-liseyin şagirdlərinin uğurları davam edir. Belə ki 8 “C” sinif şagirdi Quliyev Murad Kontakt Karate Federasiyasının təşkil etdiyi Respublika Birinciliyi və Çempionatında karate qaydaları üzrə, 14 yaş, 62 kq çəki dərəcəsində yüksək bacarıq göstərərək, I yerə layiq görülmüşdür. Məktəblini kollektiv adından təbrik edirik.