"İş insanın cövhəridir"
İnsan dünyanın ən ali varlığıdır. İnsanı aliləşdirən amillərdən ən əsası əməkdir. Ən qədim zamanlardan müasir dövrlərə qədər nəzər salsaq, görərik ki, insanlar öz zəhmətləri ilə nələrə qadir olublar. Müasir dövrdə tibbin, texnikanın, təhsilin bu səviyyəyə gəlib çatması insan əməyinin bəhrəsidir. İnsanın bacarmadığı iş demək olar ki, yoxdur. Fiziki və ya zehni, hər hansı bir işə başlamamışdan əvvəl o, adama çox çətin gəlir. Lakin işə başlayandan sonra insan işə necə qalib gəldiyini görür.
Bu gün Səbail rayonu H.Mahmudbəyov adına 2 nömrəli texniki-humanitar elmlər liseyində texnologiya fənnindən Əsədova Gülnarə və Qasımova Leylanın 6"d" sinfində açıq dərs keçirildi. Dərsdə breyn-rinq, yarış və viktorinalar bir-birini əvəz etdi. Sonda fəal şagirdlər təltif edildilər.
