Liseydə 20 Yanvar faicəsinə aid silsilə tədbirlər keçirilib
Azərbaycan xalqının tarixinə Qanlı Yanvar faciəsi kimi daxil olmuş 1990-cı il 20 Yanvar hadisələrindən artıq iyirmi yeddi il keçir. Keçmiş sovet dövlətinin hərb maşınının həmin gün Azərbaycan xalqına qarşı həyata keçirdiyi hərbi təcavüz insanlığa qarşı törədilmiş ən ağır cinayətlərdən biri kimi qalacaqdır. Milli azadlıq və ərazi bütövlüyü uğrunda mübarizəyə qalxmış dinc əhaliyə silahlı təcavüz nəticəsində yüzlərlə günahsız insanın qətlə yetirilməsi və yaralanması totalitar sovet rejiminin süqutu ərəfəsində onun cinayətkar mahiyyətini bütün dünyaya bir daha nümayiş etdirdi.2 saylı liseydə 20 Yanvar faciəsinin iyirmi yeddinci ildönümünün keçirilməsi ilə əlaqədar tədbirlər planı təsdiq edildi. Liseyin foyesində 20 Yanvar faciəsini əks etdirən rəsm sərgiləri, fotostend və güşələri və 20 Yanvar faciəsi ilə əlaqədar ədəbi - bədii gecə təşkil edildi. Ədəbi-bədii gecədə IX və XI sinif şagirdləri yaxından iştirak etdilər. Tədbirdə şəhidlərimizin xatirəsinə aid şeirlər səsləndi və faciəyə aid video çarxlar nümayiş olundu.
