"Xarıbülbülün sədası - Şuşa" adlı şeir müsabiqəsi keçirilmişdir
15 fevral 2022-ci il tarixdə H.Mahmudbəyov adına 2 nömrəli texniki humanitar liseydə V-IX sinif şagirdləri arasında "Beynəlxalq Ana dili günü" və Şuşanın 270 illik yubiley münasibəti ilə "Xarıbülbülün sədası - Şuşa" adlı şeir müsabiqəsi keçirilmişdir.
Müsabiqədə şagirdlərin ifasında Leyla Əliyevanın " Şuşa" , Rəsul Rzanın " Şuşa" , Məmməd Arazın " Ayağa dur Azərbaycan", Vahid Əzizin " Gəlirik Şuşa", Nəriman Həsənzadənin " Azərbaycan", Süleyman Rüstəmin "Azərbaycan" şeirləri səsləndirildi.
Şeir müsabiqəsi liseyin Azərbaycan dili və ədəbiyyat müəllimi Ellada Həziyevanın rəhbərliyi ilə təşkil olunmuşdur.
Liseyin 5 "A" sinif şagirdi Nuray Ağalı Etibar Vəliyevin "Nəvəmi Şuşada gəzdirərsiniz" adlı şeiri ilə müsabiqənin qalibi oldu.
