Beynəlxalq fənn olimpiada qalibləri ilə görüş keçirilib
Oktyabrın 2-də təhsil naziri Emin Əmrullayevin iştirakı ilə 2020-2021-ci tədris ili üzrə beynəlxalq fənn olimpiada qalibləri ilə görüş keçirilib. Beynəlxalq Fənn Olimpiadasında riyaziyyat fənni üzrə Musazadə Elçin bürünc və gümüş, Respublika Fənn Olimpiadasında qızıl medal, beynəlxalq Fənn Olimpiadasında biologiya fənni üzrə Vəliyeva Aytac bürünc, Respublika Fənn Olimpiadasında isə gümüş medal qazanmışdır. Görüşdə çıxış edən təhsil naziri Emin Əmrullayev olimpiada hərəkatının üzvü olan hər bir gəncin gələcəkdə ölkənin ən yaxşı mütəxəssisinə çevriləcəyinə inamını ifadə edib. Nazir bildirib ki, xüsusi istedadlı gənclər onlarda olan bacarığı düzgün istiqamətləndirməyi bacarmalıdır. Şagirdlərimizə müvəffəqiyyətlər arzu edirik!
