Erkən nikaha yox deyək! mövzusunda maarifləndirici tədbir keçirildi
Hazırda erkən nikah sosial problem kimi dünyada aktuallıq kəsb edən məsələlərdən biridir. Qız övladlarının məktəbdən yayındırılaraq erkən nikaha cəlb edilməsi probleminin həlli istiqamətində məktəbimizdə şagirdlərlə görüş təşkil edildi.
Məktəbin direktoru Ş.Nadirova çıxış zamanı qeyd etdi ki, gələcəyimiz bu gün sağlam qurulan ailələrdən asılıdır. Erkən nikahın qarşısının alınması istiqamətində bütün cəmiyyət mübarizə aparmalıdır. Şagirdlər erkən nikahın törətdiyi fəsadlar haqqında maraqlı arqumentlər gətirərək fikir mübadiləsi apardılar.
Tədbirin sonunda şagirdlərə film nümayiş etdirildi.
