Şagirdlərdən fərqli təşəbbüs. Tullantıdan incəsənətə
Bakı Şəhəri üzrə Təhsil İdarəsinin tabeliyindəki 197 nömrəli tam orta məktəbdə 3"b"sinif şagirdlərinin fərqli təşəbbüsündən qaynaqlanan “Tullantıdan incəsənətə” adlı sərgi keçirilib.
Sərgidə ideya və bacarıqlarına uyğun olaraq şagirdlərin müxtəlif məişət tullantılarından yaratdıqları zövq oxşayan əsərlər, incəsənət nümunələri, müxtəlif eksponatlar nümayiş olunub.
Qeyd edək ki, sərginin təşkil olunmasının əsas məqsədi ətraf mühitin çirkləndirilməsinin qarşısını almaq, tullantılara ikinci həyat vermək və şagirdlərin asudə vaxtının səmərəli təşkilini təmin etməkdən ibarətdir.
