Sinif təşkilat saatı
27 sentyabr 2024-cü il tarixində məktəbimizin ibtidai və yuxarı siniflərində Azərbaycan Respublikasının suverenliyi, ərazi bütövlüyü uğrunda gedən mübarizədə həlak olan qəhrəman oğullarımızın əziz xatirəsinə həsr edilmiş sinif təşkilat saatı keçirildi. Dərslər Dövlət Himninin oxunması və Vətən müharibəsi şəhidlərinin əziz xatirəsi bir dəqiqəlik sukutla yad edilməsi ilə başladı. Şagirdlər çıxış edərək 44 gün davam edən vətən müharibəsində igid, cəsur, qəhrəman oğullarımızın göstərdikləri şücaətlərdən bəhs etdilər. Şagirdlərə ordumuzun qəhrəmanlıqlarına, şanlı qələbəsinə həsr edilmiş videoçarxlar nümayiş etdirildi. Sinif təşkilatlarını keçirməkdə məqsəd Vətən müharibəsində igidlik, cəsurluq, qəhrəmanlıq göstərmiş oğullarımızın şücaətləri ilə onları yaxından tanış etmək və şagirdləri vətənpərvərlik ruhda böyütməkdir.