Məktəbdənkənar tədbirlərdə şagirdlərin iştirakı
Məktəbin şagirdlərinin mütəmadi olaraq məktəbdənkənar tədbirlərdə fəal iştirakı hər zaman məktəb rəhbərliyi tərəfindən nəzarətdə saxlanılır. Məktəbdə dərnək aparan 1 nömrəli Uşaq Gənclər İnkişaf Mərkəzinin əməkdaşı Təranə Kazımovanın rəhbərliyi ilə 7 “Ç” sinif şagirdləri Əhmədova Xədicə və İsmayılova Zahidə noyabr ayının 28 – də çox əhəmiyyətli bir tədbirdə iştirak etdilər. Belə ki, şagirdlər Cəfər Cabbarlının 120 illik yubileyinə həsr olunmuş tədbirdə iştirak edərək ədibin yaradıcılığından gözəl şeirlər deyib, kompozisiyalar nümayiş etdirdilər.
Şagirdlər tədbirin sonunda mərkəzin rəhbəri tərəfindən fəal iştiraklarına görə təşəkkürnamə ilə təltif edildilər. Məktəbin direktoru Kərim müəllim də öz növbəsində şagirdlərlə görüşüb onları təbrik etdi və belə vacib tədbirlərdə şagirdlərin işritakını məqsədəuyğun olduğunu bildirdi.
