19 №-li tam orta məktəb

Dünya çempionu Şahin MuxtarovMəktəbin məzunu Şahin Muxtarov 2017 - ci ildə sərbəst güləş üzrə gənclər arasında keçirilən Dünya Çempionatında bütün rəqiblərini məğlub edərək fəxri kürsünün ən yüksək pilləsinə yüksəlib. Qeyd etmək lazımdır ki, məktəbin məzunu Şahin Muxtarov finalda erməni güləşçiyə böyük hesabla qalib gələrək Dünya Çempionu titulunu qazanıb. Qürur duyuruq!

İdmançı şagirdimiz çempion olduMəktəbin 10 "B" sinif şagirdi Kərimov Hacı Ramin oğlu sərbəst güləş idman növü üzrə yeniyetmələr arasında keçirilən respublika çempionatında bütün rəqiblərindən üstün olaraq I yeri qazanıb. Şagirdi Azərbaycan çempionu olması münasibəti ilə məktəbin direktoru Nailə Cəfərova təbrik edib, ona idman uğurlarının davamlı olmasını arzulayıb.

Məktəb Təşəkkürnamə plaketi ilə təltif olunduMəktəbimiz Olimpiya Mədəniyyəti və Təhsili Proqramının (OCEP 2019) icrasında səmərəli fəaliyyətinə görə MOK tərəfindən təşəkkür plaketi ilə təltif olundu. Mükafatı OCEP layihəsinin koordinatoru Namiq Cəfərov məktəbin direktoru Nailə Cəfərovaya və OCEP layihəsinin məktəb üzrə məsul şəxsi Ülviyyə Məmmədovaya təqdim etdi. Xatırlatma edək ki, məktəbimiz 2019 - cu ildə OCEP layihəsi çərçivəsində Danimarka ölkəsini təmsil edib.