Peşə seçimi üçün vacib məsləhətlər
Mütəmadi olaraq şagirdlərin düzgün peşə seçimi ilə əlaqədar həm məktəbdə müxtəlif maarifləndirici söhbətlər aparılır, həm də məktəbdənkənar aidiyyati qurumların təlim keçirməsinə şərait yaradılır. Belə təlimlərdən biri noyabr ayının 14-də məktəb rəhbərliyinin, müəllim, valideyn və şagirdlərin iştirakı ilə Sosial Müdafiə Nazirliyinin təhkimçi təlimçisi Xədicə Həbibullayeva tərəfindən aparıldı.
Xədicə xanım yuxarı sinif şagirdlərinə çoxsaylı peşə sahələri və onların inkişaf dinamikası haqqında geniş məlumatlar verdi, peşə seçimində əsasən vacib olan amillərdən danışdı. Şagirdləri maraqlandıran məsələlər ətrafında ətraflı müzakirələr aparıldı, suallar cavablandırıldı.
