Məktəbdə sınaq imtahanı keçirildi
Oktyabrın 19-da BŞTİ tabeliyində olan ümumtəhsil məktəblərində , o cümlədən 19 nömrəli tam orta məktəbdə IX siniflərin buraxılış imtahanının II mərhələsi üzrə sınaq imtahanı keçirildi. Məktəb rəhbərliyi tərəfindən təyin olunmuş nəzarətçi müəllimlər imtahan təlimatı ilə şagirdləri ətraflı tanış etdilər və göstərilən vaxtda imtahanın başlanmasına start verildi. İmtahan zamanı heç bir ciddi qayda pozuntusuna rast gəlinmədi. Sonda şagirdlər cavab kartlarını nəzarətçi müəllimə təqdim etdi, sual kitabçalarını isə özləri ilə götürüb imtahan zalını tərk etdilər.
