18 Oktyabr – Müstəqillik Günü
Oktyabr ayının 18-də məktəbdə Azərbaycanın şanlı tarixinə qızıl hərflərlə yazılmış Müstəqillik Günü qeyd edildi. Ayrı-ayrı siniflərdə Müstəqillik Günü ilə əlaqədar dəyirmi masalar, divar qəzetləri, fotostendlər hazırlandı. Tədbirlərdən ən maraqlısı 8”C” sinif şagirdləri və sinif rəhbəri Cəmalə Cəfərli tərəfindən təqdim edildi.
Şagirdlər 18 Oktyabr – Müstəqillik Gününün tarixi haqqında ətraflı məlumat verdilər, vətənimizin tarixi keçmişinə və bu gününə nəzər saldılar. İstedadlı şagirdlərin ifasında şeir nümunələri və mahnı kompozisiyaları tədbir iştirakçılarına əsl bayram əhval ruhiyyəsi yaşatdı. Məktəbin direktoru Kərim Abidi çıxış edərək Azərbaycanın bu günə qədər keçdiyi yoldan, apardığı mübarizədən qısa da olsa şagirdlərə məlumat verdi və bu şanlı tarixi yazanları bir daha xatırlatdı. Direktor tədbirin hazırlanmasına görə təşkilatçılara və şagirdlərə təşəkkürünü bildirdi.
