"31 Mart azərbaycanlıların soyqırımı günü"nə həsr olunmuş tədbir keçirilmişdir
30 mart 2016-cı il tarixdə Nəsimi rayonundakı M.Hüseynzadə adına 19 nömrəli tam orta məktəbdə "31 Mart azərbaycanlıların soyqırımı günü"nə həsr olunmuş tədbir keçirilmişdir. Əvvəlcə şagirdlər məktəbin foyesində təşkil edilmiş "Soyqırım guşəsi"ni ziyarət etmişlər.Tədbirdə məktəbin şagird və müəllimləri, kitabxana müdiri, Azərbaycan Dövlət Din Tarixi Muzeyinin əməkdaşı iştirak etmişdir.İlk olaraq məktəbin tarix müəllimi Sona Əsgərova çıxış edərək Azərbaycan xalqına qarşı yürüdülən erməni təcavüzkarlığı siyasətinin nəticələri haqqında danışmış, şagirdlər isə müxtəlif dövrlərdə xalqımıza qarşı aparılan soyqırım və terror hadisələri barədə öz fikirlərini söyləmişlər. Tədbirdə direktor müavini Kəmalə Piriyeva, məktəbin psixoloqu Rəna Əliyeva, müəllimlərdən Suqra Ağayeva, Ülviyyə Məmmədova, Təbəssüm Zamanova və başqaları şagirdlərlə fikir mübadiləsi aparmışlar.Sonda məktəbin direktoru Akif Əliyev şagirdləri maraqlandıran suallara cavab vermişdir.
