Şagirdlər təltif olundu
Məktəbdə hər il olduğu kimi yuxarı sinif şagirdləri arasında hərbi vətənpərvərlik hissinin aşılanması məqsədi ilə müxtəlif idman və hərbi oyunlar keçirilir, yarışlar təşkil edilir. Belə yarışlardan biri də aprel-may ayı ərzində hərbi rəhbər İslam Əzimov tərəfindən təşkil edildi. Şagirdlərin fiziki imkanlarını və hərbi bacarıqlarını üzə çıxarmaq məqsədi ilə keçirilən məktəbdaxili yarışlarda fərqlənən şagirdlər “Şahinlər” komandasının tərkibində rayon birinciliyində iştirak edərək IV yerə, “Gənc xilasedicilər” komandası isə I yerə layiq görüldü.
Məktəb rəhbərliyinin təşəbbüsü ilə yarışlarda fərqlənən şagirdlər iyunun 4-də məktəb kollektivinin qarşısında diplom və sertifikatlarla təltif edildi. Məktəb direktoru Akif Əliyev şagirdləri ürəkdən təbrik etdi, İslam müəllimə bu gərgin əməyinə görə təşəkkürünü bildirdi.
