28 May - Respublika Günüdür
May Azərbaycan xalqının XX əsr tarixində ən əlamətdar, ən fəxarətli, uğurlu hadisələrlə zəngin olan aydır. Belə fəxarətli günlərdən biri 28 May - Respublika günü may ayının 27-də məktəbdə təntənəli surətdə qeyd edildi.
Təşkilatçı müavin Ülviyyə Məmmədova, kitabxana müdiri Sevinc Hüseynova, musiqi müəllimi Lətafət Musatafayevanın təşkilatçılığı ilə keçirilən tədbir dövlət himnimizin səslənməsi ilə başalandı. Daha sonra Azərbaycanın şanlı tarixinə qızıl hərflərlə imza atan tarixi şəxsiyyətlər, o cümlədən M.Rəsulzadə, F.Xoyski, N.Yusifbəyli, S.Mehmandarov və s. dahi insanlar haqqında geniş söhbət açıldı, onların keçdiyi əzablı və çətin yoldan danışıldı. Həmçinin müasir Azərbaycanın qurucusu ümummilli Lider Heydər Əliyev və onun siyasi kursunun layiqli davamçısı ölkə prezidenti lham Əliyevin dövlətimizin inkişafında və çiçəklənməsində tükənməz xidmətlərindən söz açıldı.
Daha sonra şagirdlər bədii hissədə müxtəlif musiqi nömrələri, doğma vətənimizi vəsf edən şeirlər və kompozisiyalar təqdim etdilər.
