Məktəbdə Novruz şənlyi keçirilmişdir
16 mart 2016-cı il tarixdə Nəsimi rayonundakı M.Hüseynzadə adına 19№-li tam orta məktəbdə Novruz şənlyi keçirilmişdir. Tədbiri məktəbin direktoru Akif Əliyev açaraq, Novruz bayramının YUNESKO tərəfindən 2009-cu il sentyabrın 30-da qeyri-maddi mədəni irs siyahısına daxil edilməsi, bu bayramın özəllikləri haqqında danışmış, qonaqları, məktəbin kollektivini, valideyn və şagirdləri bayram münasibətilə təbrik etmişdir. Tədbirdə şagirdlər Novruz adət-ənənələrinə aid şerlər söyləmiş, tamaşalar göstərmişlər. Məktəbin şagirdləri saz və tarda musiqilər ifa etmiş, balaca rəqqaslar öz məharətlərini göstərmişlər. Şənlikdə direktor məktəbin Respublika fənn Olimpiadalarının məktəb, rayon və şəhər turlarında fərqlənən, eləcə də şahmat yarışlarında uğur qazanan şagirdlərə Tərifnamələr təqdim etmişdir. Şənlik şagirdlərin ifasında “Yallı” rəqsi ilə sona çatmışdır.Tədbirin sonunda A.Əliyev tədbirin təşkilində və keçirilməsində əməyi olan sinif rəhbərləri Sitarə Mövsümova, Sevda Tağızadə və məktəbin kitabxana müdiri Sevinc Hüseynovaya, eləcə də tədbirdə fəal iştirak edən şagirdlərə minnətdarlığını bildirmişdir.
