Məktəbdə növbəti "Açıq Qapı" günü keçirilmişdir
M.Hüseynzadə adına 19 nömrəli tam orta məktəbdə növbəti “Açıq Qapı” günü “Övladlarımızın hər bir uğuru bizim nailiyyətimizdir ” devizi ilə keçirilmişdir. Tədbir zamanı valideynlər sinif rəhbərləri, fənn müəllimləri ilə görüşmüş, öz övladlarının nailiyyətləri haqqında fikir mübadiləsi etmişlər. Valideynlər son aylarda məktəbdəki yeniliklərlə,“Debat”, “Oxucular” klublarının, şahmat, rəqs dərnəklərinin fəaliyyəti ilə tanış olmuşlar. Məktəbin direktoru valideynlərə elektron lövhələr olan siniflərdəki dərs prosesini əyani olaraq nümayiş etdirmişdir. Sonda məktəbin akt zalında valideyn –məktəb əlaqələrinin daha da yaxşılaşdırılması barədə səmimi müzakirə aparılmış, valideynlərin tənqid, arzu və təklifləri dinlənilmişdir.
