N.Nərimanovun ev muzeyinə ekskursiya
May ayının 12-də məktəbin 4”D” sinif şagirdləri Azərbaycanın bolşevik inqilabçısı, ictimai-siyasi xadimi, yazıçısı, publisisti, həkim Nəriman Nərimanovun xatirə-ev muzeyinə ekskursiya etdilər. Şagirdlərin ekskursiyada iştirakını Respublika Uşaq-Gənclər İnkişaf Mərkəzinin məktəbdə fəaliyyət göstərən “Gənc Diyarşünas” dərnəyinin rəhbəri Rəhilə Rüstəmova təşkil etdi.
Muzeyin əməkdaşları ictimai-siyasi xadim Nəriman Nərimanovun həyat və yaradıcılığı barədə şagirdlərə qısa məlumat verdilər, ona aid əşyalar və şəxsi kitabxanası ilə onları tanış etdilər. Ekskursiya zamanı N.Nərimanovun Azərbaycan xalqı üçün etdiyi xidmətlər ətrafında geniş söhbətlər aparıldı, şagirdləri maraqlandıran suallar cavablandırıldı.
