Riyaziyyat gecəsi keçirildi
Məktəbdə may ayının 10-da Riyaziyat gecəsi keçirildi. Riyaziyyat gecəsi Ulu Öndər Heydər Əliyevin anadan olmasının 96 illiyinə həsr edildi. Tədbiri hazırda məktəbdə pedaqoji təcrübədə olan ADPU-nun riyaziyyat fakültəsinin 405-ci qrup şagirdləri və metodist müəllim, universitetin dosenti Qabil Namazov hazırlamışdır.
Tədbir zamanı əvvəlcə Ümummilli Lider Heydər Əliyevin Azərbaycan elminə və təhsilinə verdiyi böyük töhvələrdən danışıldı, həyat və yaradıcılığını əks etdirən videoçarx nümayiş etdirildi. Daha sonra şagirdlər təcrübəçi tələbələrlə birgə hazırladıqları tədbir proqramını təqdim etdilər. Tədbirin proqramı boyunca riyaziyyat elminə aid qiymətli aforizmlər, maraqlı faktlar, tapmacalar, şeir nümunələri deyildi, istedadlı şagirdlərin ifasında mahnılar oxundu. Rəngarəng və maraqlı keçən tədbiri zalda əyləşən şagirdlər arasında təkil edilən yarış daha da baxımlı etdi. Yarışda əyləncəlivə düşündürücü riyazi məsələləri daha tez və konkret cavablandıran şagirdlər kiçik hədiyyələrlə mükafatlandırıldı. Tədbirin sonunda Qabil müəllim çıxış edərək məktəb rəhbərliyinə tədbirin keçirilməsində onlara hər cür şərait yaratdığı üçün təşəkkür etdi.
