Heydər Əliyevin 96 illiyi qeyd edildi
Ulu Öndər Heydər Əliyevin anadan olmasının 96 illiyi münasibəti ilə məktəbdə müxtəlif silsilə tədbirlər keçirildi. Belə ki, 4”A” sinfinin müəllimi Sevil Qənbərova Ümummilli Lider Heydər Əliyevin həyat və yaradıcılığından bəhs edən sənədli filmi şagirdlərə nümayiş etdirdi. Daha sonra şagirdlər Heydər Əliyevə həsr edilmiş şeir parçaları söylədilər, mahnılar ifa etdilər.
Ümummilli Liderin əziz xatirəsinə hörmət və ehtiramını bildirən 6”E” sinfinin şagirdləri “Heydər Əliyev və müasir Azərbaycan” mövzusunda təqdimat etdilər. Şagirdlərin həvəslə və böyük çoşqu ilə etdikləri təqdimatlar ondan xəbər verir ki, unudulmaz siyasətçi, dahi şəxsiyyət Heydər Əliyev hələ yaddaşlarda çox yaşayacaqdır.
