Şagirdlərimizin uğuru
Aprel ayının 19-da 1 nömrəli Uşaq Gənclər İnkişaf Mərkəzində 22 aprel-Beynəlxalq Yer Gününə həsr edilmiş tədbir keçirildi. “Sağlam ətraf mühit sağlam həyatdır” devizi altında keçirilən tədbirdə məktəbin intellektual rus dili dərnəyinin rəhbəri Təranə Kazımovanın təşkilatçılığı ilə məktəbin 6”Ç” sinif şagirdləri də çıxış etdi. 1 nömrəli U.G.İ.M-nin İntellekt və fərdi inkişaf şöbəsində fəaliyyət göstərən rus dili dərnəyinin üzvləri təbiət və sağlam həyat haqqında geniş məlumat verdi, ibrətamiz səhnəciklər nümayiş etdirdi və şeir parçaları ifa etdilər.
Tədbirin sonunda 19 nömrəli məktəbdən iştirak edən bir qrup şagirdə fəallıqlarına görə U.G.İ.M tərəfindən təşəkkürnamələr təqdim edildi. Məktəb rəhbərliyi də şagirdlərimizi ürəkdən təbrik etdi, onlara gələcək işlərində uğurlar arzuladı.
