Aprel ayı “Təmizlik ayı” elan edildi
Ölkə ərazisində aprel ayının “Təmizlik ayı” elan edilməsi ilə əlaqədar məktəbdə ayın 6-sı iməclik təşkil edildi. Məkətbin müəllim, şagird və texniki işçilərinin iştirakı ilə keçirilən iməclik zamanı məktəbin həyətyanı sahəsində boş sahələrə ağac əkildi, böyüməkdə olan ağacların dibi belləndi və suvarıldı. Daha sonra məktəbin həyəti tullantılardan təmizləndi.
Eləcə də sinif otaqları şagirdlər tərəfindən səliqəyə salındı, otaq bitkilərinə qulluq olundu. Şagirdlərin ətraf mühitin təmizliyinə xüsusi həssaslıqla yanaşması üçün belə təmizlik işlərinin aprel ayı çərçivəsində hər həftəsonu keçirilməsi məktəb rəhbərliyi tərəfindən kollektivə tapşırıldı.
