Şəhidlər ölməz, Vətən bölünməz!
Aprel ayının 2-də məktəbdə Aprel döyüşlərinin növbəti ildönümü ərəfəsində vətənpərvərlik mövzusunda tədbir keçirildi.
Məktəbin hərbi rəhbəri İslam Əzimov tədbiri açıq elan edərək şagirdlərdə vətənpərvərlik hissinin aşılanması və tərbiyəsi ilə əlaqədar geniş müzakirə apardı. Həmçinin Aprel döyüşlərinin ildönümü ərəfəsində şagirdlərə bu döyüşlərdə qazandığımız uğurlardan, Lələtəpə yüksəkliyinin azad olunmasından, qəhrəmancasına həlak olmuş şəhidlərimizdən ətraflı söhbət açıldı. Şagirdlər vətənpərvərlik mövzusunda müxtəlif şeir və mahnı nümunələri təqdim etdilər.
Tədbirin sonunda direktor Akif Əliyev çıxış edərək ölkə prezident İlham Əliyevdən sitat gətirərək qeyd etdi ki, "Dağlıq Qarabağ Azərbaycanın ayrılmaz hissəsi kimi Azərbaycanın tərkibində həmişə olub, bu gün də onun tərkibindədir, gələcəkdə də olacaq".
