Məktəbdə Novruz şənliyi keçirildi
Mart ayının 18-də məktəbdə Novruz şənliyi keçirildi. Hər il olduğu kimi bu il də məktəb Novruz şənliyinə təntənəli surətdə hazırlaşmışdı. Məktəbin müəllimi Günay Qurbanovanın bilavasitə təşkilatçılığı ilə keçirilən tədbir çox maraqlı və yaddaqalan oldu.
8”C” sinfinin şagirdlərinin iştirakı ilə keçirilən şənlik milli geyimli oğlan və qızların rəqs nümunələri, Novruz və baharın gəlişinə aid şeirlərin səslənməsi ilə daha da maraqlı oldu. Novruz atributları Kosa və Keçəlin məclisə təşrif buyurması və onların şən zarafatları hər kəsin alqışına səbəb oldu.
UNESCO-nun qeyri maddi-mədəni irs siyahısına daxil edilmiş qədim bayramımız olan Novruz adətlərinin yaşadılması və gələcək nəsillərə çatdırılması ilə əlaqədar bu cür tədbirlərin keçirilməsi gənc nəslin milli ruhda böyüdülməsində böyük rol oynayır. Sonda məktəbin direktoru Akif Əliyev məktəb kollektivini təbrik etdi, səmimi arzularını çatdırdı.
