20 Yanvar şəhidləri anıldı
Məktəbimizdə 20 Yanvar faciəsinin 29-cu ildönümü ilə əlaqədar fəaliyyət planına uyğun olaraq silsilə tədbirlər keçirildi. Dekabr-yanvar ayları ərzində şagirdlərimiz arasında 20 Yanvar faciəsinə həsr edilmiş inşa yazı müsabiqəsi keçirildi. Müsabiqədə fərqlənən inşa yazı müəllifləri mükafatlandırıldı. BŞTİ-nin göstərişinə əsasən sinif otaqlarının divarından faciəni əks etdirən foto stendlər və divar qəzetləri asıldı.
Daha sonra dəyirmi masa və faciə qurbanlarından bəhs edən dərslər təşkil edildi.
Belə bir dərs 6”Ç” sinif şagirdləri tərəfindən hazırlandı. Sinif rəhbəri Səlimə Bəkirovanın təşkilatçılığı ilə keçirilən tədbirdə şagirdlər əvvəlcə qanlı faciəninin qurbanlarının xatirəsini bir dəqiqəlik sükutla yad etdi, daha sonra bu tarix haqqında ətraflı məlumatlar verdilər. Şanlı tariximizin ən qürurverici günü kimi yaddaşlarda iz salan 20 Yanvar faciəsinə həsr edilmiş şeirlər ifa edildi, geniş məruzələr dinlənildi.
