İstiqlal Muzeyində şagirdlərimizin çıxışı
Dekabr ayının 20-də Azərbaycan İstiqlal Muzeyində Sovet İttifaqı Qəhrəmanı M.Hüseynzadənin 100 illiyinə həsr edilmiş “Şərəfli ömrün anları” tədbiri keçirildi.
Tədbirdə İstiqlal Muzeyinin direktoru Fəridə Şəmsi, Azərbaycan Dövlət Tərcümə Mərkəzinin aparat rəhbəri Yaşar Əliyev, tərcüməçi Fərhad Abdullayev, müqavimət hərəkatının iştirakçısı Əli Babayevin oğlu Baba Babayev, M.Hüseynzadənin bacısı oğlu Mehdi Əzizbəyov, məktəbimizin direktoru Akif Əliyev çıxış edərək unudulmaz qəhrəman haqqında fikirlərini bölüşdülər.
Rəsmi hissə bitəndən sonra tədbirin bədii hissəsində məktəbimizin şagirdləri çıxış etdilər.Tədbir boyunca M.Hüseynzadə haqqında faktlar,onun yazdığı məktublar, şeirlər səsləndirilmiş,səhnəciklər nümayiş etdirilmiş, mahnılar ifa olunmuşdur. Şagirdlərimizin yüksək səviyyəli çıxışları qonaqların rəğbətini qazanmışdlr. Sonda çıxış edən muzeyin direktoru Fəridə xanım tədbiri hazırlayan 19 nömrəli məktəbin müəllimləri-Sitarə Mövsümovaya, Sevda Tağızadəyə və dərnək rəhbəri Təranə Kazımovaya təşəkkürünü bildirmişdir.
Biz də öz növbəmizdə tədbiri hazırlayıb ərsəyə gətirən müəllimlərimizə və şagirdlərimizə minnətdarlığımızı bildiririk.
