Düzgün peşə seçimi gələcəyimizin təminatıdır!
Peşə seçimi insanın həyatında verdiyi ən əhəmiyyətli qərarlardan biridir. Peşə təkcə pul qazanmaq, dolanışıq məqsədi ilə seçilmir, bəlkə bunlardan da əhəmiyyətlisi özünü ifadə etmək, özünü doğrultmaq üçün seçilir.
Peşə seçimi ilə əlaqədar məktəbimizdə tez-tez şagirdlər və onların valideynlərinin də iştirakı ilə maarifləndirici söhbətlər aparılır.Belə bir müzakirə bu gün məktəbimizdə Dövlət Məşğulluq İdarəsinin əməkdaşları tərəfindən aparıldı.
Valideynlərin, müəllimlərin, o cümlədən 7,8,9-cu sinif şagirdlərinin iştirakı ilə keşirilən tədbirdə Dövlət Məşğulluq İdarəsinin psixoloqu Nailə Talışxanova,əməkdaşlar Rəşad Muradov, Səbinə Əliyeva və Elgün Əliyev düzgün peşə seçiminin vacibliyini bir daha vurğuladılar.Psixoloq Nailə xanım şagirdlər və valideynlərlə qarşılıqlı diskusiya yaradaraq,valideynlərin də bu işdə böyük rolunun olduğunu qeyd etdi.
