Bayramınız mübarək,sevimli balalar!
1 İyun Uşaqların Beynəlxalq Müdafiəsi Günü ilə əlaqədar bu gün də məktəbimizdə gözəl bir tədbir keçirildi.Tədbir sağlam təhsil-sağlam millət layihəsinə ilk qoşulan 3”A” sinfinin şagirdləri və sinif müəllimi Sevil Qənbərova tərəfindən hazırlandı.
Tədbir əvvəlcə sinifdə dövlət himnimizin şagirdlər tərəfindən səsləndirilməsi ilə başlandı.Şagirdlər etdikləri təqdimatlarda ölkəmizin qayğısız,firavan böyüyən balalarını digər çətin vəziyyətdə olan ölkələrin uşaqları ilə müqayisə etdilər və azad bir dövlətin vətəndaşları olduqlarını böyük bir sevinc,fərəh hissi ilə bildirdilər.
Tədbirin ikinci hissəsi məktəbin həyətyanı sahəsində davam etdi.Şagirdlərimiz şən mahnılar oxudu,rəqs nümunələri göstərdilər.Sonda havaya sülh rəmzi olan göyərçinlər və rəngli şarlar buraxıldı.
Əziz və mehriban balalar,bayramınız mübarək! Hər zaman üzünüz bu günkü kimi gülər olsun!
