Rayon birinciliyini qazandıq
Məktəbimizin şagirdləri yenə də bizi sevindirdi.Belə ki, Fövqəladə Hallar Nazirliyinin müvafiq sərəncamına əsasən Ümummilli lider Heydər Əliyevin 95 illik yubileyi münasibətilə uşaq və gənclər arasında VII “Gənc xilasedici və yanğınsöndürən” Respublika yarışı keçirilir.Bu yarışın mayın 4-də keçirilən rayon birinciliyində məktəbimizin 7 nəfərdən ibarət komandası 1-ci yerə layiq görüldü.
Komandanı yarışa məktəbin hərbi rəhbəri ehtiyatda olan zabit, Qarabağ qazisi İslam Əzimov hazırlamışdır.İslam müəllimin gərgin əməyi və şagirdlərimizin əzmkarlığı nəticəsində Nəsimi rayon ümumtəhsil məktəbləri içərisində 1-ci yeri qazandığımız üçün sevinirik və hər kəsə təşəkkürümüzü bildiririk.Şagirdlərimizə mayın 16-da keçiriləcək respublika 1-ciliyində uğurlar diləyirik.
