Beynəlxalq Mülkü Müdafiə Gününə həsr edilmiş tədbir keçirilmişdir
Nəsimi rayonundakı M.Hüseynzadə adına 19 saylı tam orta məktəbdə fevralın 27-də Beynəlxalq Mülkü Müdafiə Gününə həsr edilmiş tədbir keçirilmişdir.Tədbirdə məktəbin müəllim-şagird kollektivi ilə yanaşı Nəsimi Rayon Fövqalədə Hallar və Mülkü Müdafiə şöbəsinin əməkdaşları və digər şəxslər də iştirak edirdilər. İştirakçılar əvvəlcə mülkü müdafiə gününə həsr edilmiş "açıq dərs"lərdə oldular və şagirdlər təbii fəlakətlər, zəlzələ,yanğın zamanı lazım olan tədbirlər haqqında məlumat verdilər. Tədbiri giriş sözü ilə açan məktəbin direktoru Beynəlxalq Mülkü Müdafiə Gününün tarixindən danışdı. Tədbirdə şagirdlərin iştirakı ilə yanğınsöndürmə, tibbi yardım manqasının üzvlərinin iş qaydaları əyani nümayiş etdirildi.
