Təcrübəçi tələbələrin açıq dərsləri davam edir
Məktəbimizdə ADPU-nin ayrı-ayrı fakültələrindən praktik tücrübə keçmək üçün gələn tələbələrin açıq dərsləri davam edir.Keçən günlərdə texnologiya,biologiya və ibtidai təhsilin metodikası ixtisası üzrə çox maraqlı dərslər hazırlanıb təqdim olundu.Çox yaxşı haldır ki,təcrübəçi tələbələrimizin hamısı kurikulum təhsil sənədinin tələblərinə uyğun olaraq bütün dərsləri müasir təlim metodları ilə hazırlayıb təqdim edirlər.
Məktəbimizin müvafiq fənn müəllimləri hər dəfə olduğu kimi bu həftə də keçirilən açıq dərslərdə iştirak etdilər.Dərsdən sonra müzakirə təşkil olundu və lazımı tövsiyyələr tələbələrə çatdırıldı.
Qeyd etmək lazımdır ki,təcrübəçi tələbələrlə tez-tez məktəbimizin qabaqcıl sinif rəhbərlərinin görüşləri təşkil olunur.Aprelin 26-da sinif rəhbəri Fərqanə Abdulova və texnologiya fakültəsinin tələbələri bir yerə toplaşdı.Fərqanə müəllimə onlarala iş təcrübəsini bölüşdü,tələbələri maraqlandıran sualları cavablandırdı.
