31 Dekabr- Dünya Azərbaycanlılarının Həmrəyliyi Günü ” və “ Yeni il ” şənliyinə həsr olunmuş ədəbi-bədii gecə
29 dekabr 2015-ci ildə Nəsimi rayonundakı Mehdi Hüseynzadə adına 19 nömrəli tam orta məktəbdə "Dünya Azərbaycanlılarının Həmrəyliyi Günü” və “Yeni il” şənliyinə həsr olunmuş ədəbi-bədii gecə keçirilmişdir. Ədəbi-bədii gecəni məktəbin direktoru Akif Əliyev açmış, sonra məktəbin tarix müəllimi Vəfa Heydərova "Dünya Azərbaycanlılarının Həmrəyliyi Günü” bayramının qısa tarixi haqqında çıxış etmişdir. Ötən il ərzində vətənimizi güləş idmanı üzrə Ruminyada keçirilən Avropa çempionatında təmsil edən, məktəbin şagirdi Şahin Löymanovun uğurları xüsusi olaraq qeyd olunmuşdur. Məktəbin direktoru Avropa çempionunu qazandığı uğurlara görə təbrik etmişdir. Gecədə məktəbin həm ibtidai sinif şagirdləri, həm də yuxarı sinif şagirdləri iştirak etmişlər. Şagirdlərdən Əlizadə Günay, Qocayeva Şövkət, Çəlbəliyev Rəşad, Cəlilov Elnur, Mirzəyeva Aytən, Pənahova Zümrüd, Aslanova Nəsibə, Novruzlu Şəfa, Cəfərli Nigar, Əliyeva Jalə, Süleymanova Nuray və Adilov Vüsalın çıxışları alqışlarla qarşılanmışdır. Sonda tədbirin təkilatçıları və çıxış edənlərə təşəkkür edilmiş və xatirə şəkilləri çəkilmişdir.
